Абай ауданында тұрғын үй мәселесін шешу жұмыстары жалғасып жатыр
Өңірлік коммуникациялар қызметінде өткен брифингте аудан басшысы баспанаға мұқтаж жандардың мәселесі жүйелі түрде қаралып отырғанын атап өтті.
– Бүгінде тұрғын үй кезегінде 321 азамат тұр. Биыл олардың 43-іне жаңа пәтердің кілті беріледі деп жоспарланып отыр. Сонымен қатар, Қарауыл ауылындағы Мамай көшесінде бос тұрған 27 пәтерлі үш қабатты үйді қайта жаңғырту жұмыстары басталды, – деді Мейіржан Смағұлов.