journalist_n

Ақтөбе облысында «Заң мен тәртіп» қағидаты аясында жастарға арналған кезекті түсіндіру кездесуі ұйымдастырылды. Облыстық жастар ресурстық орталығының бастамасымен Ақтөбе автожол колледжінің студенттерімен «Жастарға кеңес» жобасы шеңберінде арнайы кездесу өтті.

Ақтөбе қаласындағы Әл-Фараби атындағы №21 мамандандырылған гимназиясында «Экологиялық тәрбие: бүгінгі қадам, ертеңгі нәтиже» атты облыстық іс - шарасы өтті. Мақсаты – оқушыларға табиғатты қорғаудың маңызын түсіндіру, экологиялық сананы нығайту және күнделікті өмірде экологиялық сауатты әрекет етуге ынталандыру.

Жаңа жылдан бастап Ақтөбе қаласының Жаңақоныс-2 тұрғын алабында «Келешек мектептері» ұлттық жобасы аясында салынған жаңа жалпы білім беретін мектеп өз жұмысын бастады.

Меркі ауданы Тұрар Рысқұлов атындағы №20 жалпы білім беретін мектебінде құқық қорғау қызметкерлерімен «Заң және тәртіп – ел тұрақтылығының негізі» тақырыбында оқушылармен  кездесу өттті. Іс-шара «Заң және тәртіп» құқықтық айлығы аясында ұйымдастырылды.

14 қаңтарда Тараз қаласындағы «Достық үйінде» Жамбыл облысы әкімінің орынбасары Серік Сәлемовтің төрағалығымен идеология саласы бойынша алқа мәжілісінің отырысы өтті. Келелі кездесуге аталған салаға жауапты өңірдің барлық атқарушы билік өкілдері мен мемлекеттік емес ұйым төрағалары, қоғамдық бірлестік жетекшілері және жергілікті бұқаралық ақпарат құралдарының басшылары қатысты.

Қоғамның тұрақты дамуы мен елдің өркендеуі ең алдымен еңбекке негізделеді. Осы үдерісте жұмысшы жастардың рөлі айрықша. Олар өз еңбегі арқылы өндірістің алғы шебінде жүріп, мемлекеттің экономикалық әлеуетін нығайтуға үлес қосуда. Осы тұрғыда жұмысшы мамандар сабақтастығын сақтап келе жатқан еңбек династияларының маңызы зор.

Облыс әкімі Нұрлыбек Нәлібаевтың қатысуымен Шиелі ауданы Еңбекші ауылдық округінде қуаттылығы 40 МВт күн электр станциясын іске қосу рәсімі өтті. Оған ҚР Парламенті Сенатының депутаттары Наурызбай Байқадамов, Руслан Рүстемов, ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев және Қазыбек Иса, «ҚазАтомӨнеркәсіп» акционерлік қоғамының өндіріс жөніндегі бас директоры Қуаныш Омарбеков, «Хуадиянь Қазақстан Энерджи» компаниясы бас директорының орынбасары Лю Тченг, зиялы қауым өкілдері мен ел ағалары қатысты.

Қызылордада облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, «Қазақстан халқына» қоғамдық қорының басқарма төрайымы Ләззат Шыңғысбаеваның қатысуымен Инклюзивті спорт орталығының салтанатты ашылу рәсімі өтті.

Спорт саласын серпінді дамытуда спорт инфрақұрылымын жетілдіру айрықша маңызға ие. Себебі заманауи әрі қолжетімді спорт нысандары кәсіби және бұқаралық спорттың қарқынды дамуына жол ашады.Мемлекет басшысы Қасым-Жомарт Кемелұлы Бурабайда өткен Ұлттық құрылтай отырысында барлық облыстар мен елдімекендере спорт инфрақұрылымын, соның ішінде стадиондар мен спорт кешендерін салу мәселесіне ерекше тоқталған болатын.Осыған сәйкес, облыста соңғы үш жылда «Ауыл = ел бесігі» бағдарламасы аясында 21 заманауи спорт кешені ел игілігіне пайдалануға берілді.

Ақтау қаласының полиция басқармасында есепті кезеңдегі жедел-қызметтік жұмыстың қорытындысы бойынша жиын өтті, деп хабарлайды Қоғамдық коммуникация орталығы. Жиынға Маңғыстау облысы полиция департаментінің басшысы Сағындық Аяғанов қатысып, өңір орталығындағы қоғамдық тәртіп пен қауіпсіздік жағдайына талдау жасады. Маңғыстау облысы полиция департаменті баспасөз қызметінің мәліметінше, кеңес барысында департамент басшысы қаладағы жедел ахуалға баға беріп, құқық бұзушылықтың алдын алу, қоғамдық қауіпсіздікті қамтамасыз ету бағытындағы негізгі басымдықтарды айқындады. Сондай-ақ, полиция басқармасының басшылығы мен жеке құрамына нақты міндеттер жүктеді.