Яндекс Музыка Алматыда «Ирина Кайратовна» тобының жаңа альбомын тыңдауға арналған ерекше кеш ұйымдастырды
Қазақстандағы музыкалық премьералар жаңа деңгейге көтеріліп келеді. Альбомның ресми жарыққа шығуын күту енді тек стриминг сервистеріндегі релизбен шектелмейді. Соның жарқын мысалы ретінде Яндекс Музыка Алматыда «Ирина Кайратовна» тобының жаңа «XIV» альбомына арналған жабық форматтағы Listening Party өткізді.
Кешке шақырылған жанкүйерлер альбомды ресми релизге дейін алғашқылардың бірі болып тыңдап, топ мүшелерімен жүзбе-жүз кездесуге мүмкіндік алды. Қатысушылар сүйікті әртістерімен пікір алмасып, жаңа шығармалардың қалай дүниеге келгені туралы қызықты әңгімелерді тыңдап, ерекше атмосфераның бір бөлшегіне айналды.
Мұндай формат бүгінде әлемдік музыка индустриясында кеңінен таралып келеді. Яндекс Музыка бұл тәжірибені Қазақстанда да дамытып, әртістер мен тыңдармандар арасындағы байланысты жаңа деңгейге шығаруды көздейді. Мұнда басты назар тек альбомның тұсаукесеріне емес, музыканы бірге сезінуге, эмоциямен бөлісуге және тыңдарманға ерекше тәжірибе сыйлауға аударылады.
«Ирина Кайратовна» тобына арналған кеш – Яндекс Музыканың Қазақстандағы осы бағыттағы кезекті жобасы. Бұған дейін сервис Sadraddin-нің жаңа альбомына арналған Listening Party өткізіп, тың форматтың қазақстандық аудитория тарапынан үлкен қызығушылыққа ие екенін көрсетті.
Бүгінде «Ирина Кайратовна» – елдегі ең танымал музыкалық ұжымдардың бірі. Олардың әндері Яндекс Музыка чарттарында тұрақты түрде жоғары орындарды иеленіп келеді. Сондықтан жаңа альбомның премьерасын дәл осындай ерекше форматта өткізу жанкүйерлер үшін де, топтың өзі үшін де маңызды оқиға болды.
Яндекс Музыка музыканы тыңдайтын платформа ғана емес, шығармашылық қауымдастықты біріктіретін кеңістікке айналып келеді. Сервис жергілікті орындаушыларды қолдап, олардың жаңа туындаларын кең аудиторияға таныстырумен қатар, тыңдармандарға ұмытылмас әсер сыйлайтын жобаларды жүзеге асыруда.
«XIV» альбомының ресми релизі 10 шілдеде өтті. Ал оған дейін Яндекс Музыка қолданушылары пресейв мүмкіндігін пайдаланып, альбом шыққан сәтте оны автоматты түрде өз медиатекасына қоса алды.
Осындай бастамалар арқылы Яндекс Музыка Қазақстандағы музыкалық индустрияның дамуына үлес қосып, жаңа релиздердің айналасында ерекше мәдени орта қалыптастыруды жалғастырып келеді.