Ақтөбеде тәртіп сақшысы өзенге секірген қызды құтқарып алды
Оқыс оқиға кеше болған.
3 маусымда Ақтөбеде полицияға Сазды өзеніндегі көпірдің астында жасөспірім қыздың отырғаны туралы хабар жеткен. Содан ол жерге дереу учаскелік полиция инспекторы Фархат Нұрманов жіберіледі.
"Полиция қызметкері өзенге киімімен секірген баланы көріп, көмекке жүгірді. Учаскелік полицей 13 жастағы қызды өзеннен құтқарып алды. Жәрдемге жеткен әріптестері оны жағаға шығарысты. Қыздың өміріне қауіп төніп тұрған жоқ. Психологтар мен полицейлер жасалған әрекеттің себебін анықтауда. Тексеру жүргізіліп жатыр", - деп жазады POLISIA.KZ.