Ақтөбенің орталығын су басып қалды
Ақтөбе қаласының қақ ортасынан өтетін Сазды өзені тасып жатыр.
Өзенде таңнан бастап сел жүріп, мұз бөліктері кептеліп қалған. Содан судың жүруіне кедергі келіп, ол арнадан аса бастайды. Сөйтіп, қаланы су басып қалды.
Ақтөбе облыстық ТЖД бастығы Нұрғали Жүнісовтің айтуынша, мұздың қалыңдығы - 40-50 см.
"Мұз кептелісін жою мақсатында жергілікті атқарушы орган, әскери қызметкерлер, ТЖД, полиция қызметкерлерінен 157 жеке құрам, 50-ден аса техника жұмылдырылды. Бірінші кезекте өзенді мұздан тазалау жұмыстары қолға алынып жатыр. Құм, инертті материалдар үздіксіз тасымалданады. Әскерилер қапқа құм толтырып, жағаларды бекіту жұмыстарына кірісті", - деді Жүнісов.