Сөмкеңізде не бар?

Айжан Байтанова

журналист

«Екпін» астаналық арулардың сөмкелеріне әлі де қызығушылық танытып жүр. Бүгін Әйгерім Кеулімжай мен Айгүл Жамалованың «сырлас құрбыларына» фотосаяхатты тамашалаймыз.

Әйгерім Қазнетте @AKY нигімен белгілі. Сөмкесіне үнемі салып жүретін үш нәрсе туралы қойылған сұраққа "кілт, әмиян және телефон" деп жауап берді. Өзінің айтуынша, тарақтың болғаны да артық емес.

- Бұл сөмкемді Болгарияға іссапарға барған кезімде алып едім,- дейді Әйгерім.

Италиядан әкелінген кілт салпыншағының арғы жағында дискілі күнтізбе орналасқан.

Ювижендағы алғашқы блогшылардың бірі Айгүл Жамалованы @Aigul4itai нигі бойынша оңай тауып ала аласыздар.

- Мен үшін сөмке тек қажет нәрселерімді тасымалдаушы құрал ғана, мүлдем сөмкеқұмар емеспін,- дейді өзі.

Айгүлдің сөмкесінде міндетті түрде әмиян, қызметтік куәлік және телефон болуы керек.

- Мен өзім еркіндікті жақсы көремін. Кейде телефонымды өшіріп, үйге тастап та кеткім келеді. Бірақ, мамандығым ондай мүмкіндік бермейді, біз тәулігіне 24 сағат байланыста болуымыз керек, - дейді журналист ару.

- Бұл паспорт мұқабасын Киевтен алып едім. Оны сатып алудың өзі бір әңгіме болды, дүкенді тауып алуыма үш сағат кетіпті,- деп еске алады Айгүл.

Бүгінгі кейіпкерлеріміздің сөмкелерінде косметиканың басты орын алмайтындығын байқадыңыз ба? Сіздің сөмкеңіз де сондай ма, әлде косметичкаға айналып кеткен бе? :)