Жетісу облысының тұрғыны 285 млн теңгеден астам ақшаға жалған шот-фактуралар жасаған
Жетісу облысының тұрғыны пайда табу мақсатында тауарды нақты жеткізбей, жұмысты орындамай, қызмет көрсетпей, жалған шот-фактуралар жазып беруді ұйымдастырған.
Фото: kaztag.kz
Оның бұл әрекетін Қаржылық мониторинг агенттігі әшкереледі.
ҚМА ресми өкілі Әлібек Әбділовтің хабарлауынша, тергеу барысында аталған азаматтың басқа ЖШС-нің атына өзі бақылайтын ЖШС атынан мүліктік пайданы өндіру мақсатында шот-фактураларды беру әрекетін ұйымдастырып, соның салдарынан аса ірі көлемде залал келтіргені анықталған.
Сол келтірілген 285 млн теңгеден астам шығын толығымен өтелді.
ҚР ҚПК 201-бабына сәйкес тергеу мүддесіндегі өзге де мәліметтер жариялауға жатпайды.