Кзылкогинский филиал

Абай ақынның 175 жылдығына орай тоғызқұмалақтан 2005-2006, 2007-2008, 2009-2010, 2011-2012 жылы туған балалар мен жасөспірім ұлдар және қыздар арасында өткізілген жекелей ашық онлайн турнирінде ойыншыларымыз жүлдегерлер сапынан көрінді. Play.ok сайтында өткен жарыс нәтижесі бойынша 2007-2008 ж.т жасөспірім қыздар арасында Сисенғали Рауан 2 орын иеленді. 2009-2010 ж.т жасөспірімдер арасында 3 орыннан Тілекқабылқызы Інкәр көрініп, Мыңбай Ақторғын 1 орын мен кубок иегері атанды. Ал ең жас тоғызқұмалақшы Нұржанқызы Інжу жеңіске деген жігерінің арқасында 1 орынды жеңіп алды. Барлық тоғызқұмалақшылар мен жаттықтырушы Күздеубаева Шынарды жеңісімен құттықтаймыз!

Миялы спорт кешенінде өткен жарысқа құрамына қарай біріктірілген 10 команда қатысып, өзара мықтыны анықтады. Жарыс қорытындысымен аудандық полиция, қорғаныс бөлімі, күзет бөлімі қызметкерлерінен құралған «Барыс» командасы жеңімпаз атанса, 2-орынға Атырау облысы бойынша ҰҚК департаментінің Қызылқоға бөлімшесі қызметкерлерінен құралған «Айбын» командасы ие болды. Үздік үштікті Қызылқоға балалар-жасөспірімдер спорт мектебінің «Намыс» командасы қортындылады. Сонымен қатар, жарыс барысында шебер ойындарымен көзге түскен Төлепов Абзал «Үздік ойыншы», Қуанов Мақсат «Үздік шабуылшы», Гумаров Рүстем «Үздік қақпашы» атақтарына ие болды.Жеңімпаз команда мен үздік ойыншылар бөлімнің атынан дипломдармен, медальдармен марапатталды.

#BIRINShi#ElbasygaAlgys