orazali

28 ақпан сағат 04.37-де Қызылорда облысы, Сырдария ауданы, Бесарық ауылында құс фабрикасының жеке бір қабатты ғимаратының төбе жабыны 288 шаршы метр аумақта өртке оранды. Зардап шеккендер жоқ.

 Алдын-ала болжам бойынша өрттің себебі - анықталуда.
Өрт 05.41 сағ. оқшауланып, 06.12 сағ. жойылды.
Өртті сөндіруге ТЖД жеке құрамынан 7 адам жəне 2 техника жұмылдырылды.

https://t.me/qr_tjm

"Халықтың, сахнаның, ағайынның ҚАЙРАТЫ, туған күніңмен!
Өнерің, еңбегің өмір бойы әлдилесін. Абыройың асқақтап, балаларың үшін мақтаныш болуды нәсіп етсін.
Тілерім, тура жолдан адастырмай, басыңнан бағың таймай, әдемі қарттық болсын. Тыңдарманның қошеметі кемімесін.
Өзіңді сыйлап, бағалайтын жақын жандарың қасыңнан табылсын!
Сыйлаймын!" деп жазды Жұлдыз.

Биыл Наурыз мейрамын жаңаша тойлауға дайындық жүргізіліп жатыр.

Мәдениет және ақпарат министрлігіндегілер Tengri Life-тың сұрағына жауап беріпті.

Олар тиісті құжаттың талқыланып жатқанын, алдағы наурыз айында жарияланатынын хабарлаған.

Жалпы, Наурыз мейрамының маңыздылығын президент Қасым-Жомарт Тоқаев жыл басында «Егемен Қазақстан» газетіне берген сұхбатында айтқан еді.

«Жаңа жыл – әрине, күнтізбенің жаңа парағын ашатын маңызды меже. Осы сәтте өткен жылды қорытындылап, келешекке жоспар құру әдетке айналған. Бір жағынан, Жаңа жыл мен үшін қастерлі мереке емес. Оның үстіне, өзіміздің төл жаңа жылымыз – әз-Наурызды естен шығармаған жөн. Бұл мейрам – тіршілікті түлете келетін нағыз табиғи жыл басы», - деді Мемлекет басшысы.   

Талдықорған қаласының прокуратурасы құны 1 миллиард теңгеден асатын 6 мемлекеттік сатып алу конкурсының күшін жойды.

Тапсырыс берушілер конкурстық құжаттамада біліктілік талаптарын негізсіз жоғарылатып, сол арқылы әлеуетті өнім берушілердің мемлекеттік сатып алуға қатысуын шектеп, қиындатқан.

Тағы бір жағдайда, құны 500 миллион теңгеден асатын қала көшелерін ағымдағы жөндеуге конкурс жарияланған кезде тапсырыс беруші жөндеуді қажет ететін көшелердің атауларын нақтыламаған, әр көшедегі жұмыстың сметалық құнын анықтамай, ақаулы актілерді ұсынбаған.

Прокуратура заң бұзушылықтардың дер кезінде алдын алып, кәсіпкерлік субъектілерінің ашық конкурсқа қатысуын қамтамасыз етті.

Жетісу облысының прокуратурасы

Қызылордалық құтқарушы Әсел Жадырасынова #Батыл қыз атты #challenge бастады.

Төтенше жағдайлар министрліінің Telegram-арнасы қызықты видео жариялап, астына былай деп жазды:
"Қызылорда қаласындағы N6 өрт сөндіру бөлімінің радиотелефонисі азаматтық қорғау кіші сержанты Жадырасынова Әсел".

Видеоны мына жерден көруге болады.

Бүгін Алматыда сағат 10:00-де дабыл қағылған еді. Мұны төтенше жағдай қызметінің өкілдері жер сілкінісіне қарсы жаттығу деп кеше ескертті.

Коллаж: Ulysmedia

Қызық болғанда, содан кейін 8 миут өткенде Алматыда шынымен жер сілкінісі тіркелді ғой.

"ҚР ТЖМ "Сейсмологиялық бақылаулар және зерттеулер ұлттық ғылыми орталығы" ЖШС сейсмикалық станциялар желісімен 23 ақпанда 10 сағ. 08 мин. 33 сек. жер сілкінісі тіркелді, эпицентрі Алматы қаласынан оңтүстік-шығысқа қарай 259 шақырым жерде орналасқан Қытай аумағында - афтершок.

Сезгіштігі туралы мәліметтер: Алматы қаласында 2 балл. Зардап шеккендер мен қиратулар туралы ақпарат болған жоқ.
Жағдай тұрақты.
ТЖМ азаматтарға сабыр сақтап, дүрбелеңге берілмеуге кеңес береді", - деп жазды @press_TJM.

Армения Ұжымдық қауіпсіздік шарты ұйымына (ҰҚШҰ) мүшелігін уақытша тоқтатты. Бұл туралы France 24 агенттігіне сілтеме жасап ҚазТАГ хабарлады.

Фото: overclockers.ru

Армения премьер-министрі Никол Пашиян аталған агенттікке берген сұхбатында бұл ұйымның өз еліне қатысты дұрыс әрекет жасамай отырғанын айтқан.

«Біздіңше, Арменияға қатысты ұжымдық қауіпсіздік шарты орындалған жоқ. Әсіресе, 2021-2022 жылдары. Бұған біз бей-жай қарай алмадық. Сөйтіп, осы шартқа қатысуды уақытша тоқаттық. Ары қарай не боларын көрерміз», – деді Пашинян.

Ал «Армениядағы Ресей әскери базасы жабылуы мүмкін бе?» деген сұраққа ол «бұл жайында әңгіме болған жоқ» деп жауап берді.

Айта кетейік, ҰҚШҰ құрамына Армениядан бөлек Қазақстан, Қырғызстан, Тәжікстан, Беларусь және Ресей кіреді.  

23 ақпан сағат 09:30-дағы жағдай бойынша ауа-райының қолайсыздығына байланысты 3 облыста республикалық маңызы бар 3 автожолда көлік қозғалысына шектеу енгізілді.Фото: ҚазАвтоЖолЖетісу облысында - жалпы ұзындығы 100 шақырымды құрайтын 1 автожол (шектеулі көрініс, боран)1. Үшарал-Достық, Көктума бекетінен Достық бекетіне дейін (барлық көліктер үшін)Қостанай облысында – жалпы ұзындығы 83 шақырымды құрайтын 1 автожол (Ұлытау облысындағы ауа райының қолайсыздығына байланысты) 1. «Жезқазған-Петропавл» - Ұлытау обл. шек.-Арқалық қ. (көліктің барлық түрлері үшін)Ұлытау облысында  – жалпы ұзындығы 115 шақырымды құрайтын 1 автожолда(екпінді жел, ауа температурасының төмендеуі) 1. «Жезқазған-Петропавл» - Ұлытау к.-Қостанай обл.шек. (барлық көлік түрлері үшін) ,Ағымдағы сағатта республ…

Кеше түнде екі ер адам полицияға телефон шалып, Абай облысындағы Шабақ қыстауынан 4 шақырым жерде адасып кеткенін айтқан.

Олар трактормен жолға шыққан екен. Далада 40 градус аяз. Содан көліктің жанармайы қатып қалған соң, екеуі жаяу қайтуға бел буған. Бірақ олар адасып, телефондары да суықта өшіп қалады.

Трактордың ізімен жаяу жүгірген полицейлердің өздері үсіп қалыпты. Алайда тракторшыларды тауып алған.
Адасқандарды көлікке әрең жеткізіпті. Өйткені аяқтары қатып қалған. Соған қарамастан құтқару операциясы сәтті өтті.

Әлеуметтік желіде ер адамның кішкентай баланы теуіп жатқанын көрсететін видео тарады. Таяқ жеген балаға қосылып айналасындағы басқа кішкентайлар да жылап жатыр.

Ер адам өзі қолымен сәбиді көтеріп жүр. Түсініксіздеу тілде балаға айғайлап тұр. Шамасы, өзбекше. «Енді аямаймын, ұқтың ба?» дегенін ғана түсінуге болады.

Кейін бұл видеоның Түркістан облысының Сайрам ауданында түсірілгені анықталды. Күдікті ұсталып, қамауға алынған.

Қазіргі заң бойынша оған аса қатты жаза қолданылмайтын сияқты. Қазір Парламентте қаралып жатқан әйелдер мен балаларға қатысты зорлық-зомбылыққа жазаны күшейтуді қарастыратын заң жобасын тезірек қабылдамаса болмайды-ау...

Видеоны мына жерден көруге болады.