Алматы облысының тұрақтандыру қорына бөлінген 400 млн теңгені басқа мақсатқа пайдаланған – Антикор
«Жетісу» әлеуметтік кәсіпкерлік корпорациясы қызметінде тұрақтандыру қорына бөлінген 400 млн. теңгеден астам сомаға бюджет қаражатын мақсатсыз және тиімсіз пайдалану фактілері анықталды», – деді Тимур Темірәлиев.
Кәсіпкерлер азық-түлік өнімдерін сатып алудың орнына, берілген қаржыны айналымда ұстады. Ал кейбіреулері жеке мақсаттары үшін пайдаланған.
Сондай-ақ «Жетісу» ӘКК қарыз бойынша шарттық міндеттемелердің орындалуына бақылау жүргізбеген.
Еске салсақ, биыл Алматы облысы бойынша Антикоррупциялық қызмет «Жетісу» ӘКК қызметіне сыртқы талдау жүргізді. Талдау нәтижесінде құқық қорғау органы басшысының бірінші орынбасары Тимур Темірәлиев 27 қауіп анықтағанын баяндады.