Дінтану мамандығының зайырлы сипаты
Әл-Фараби атындағы Қазақ ұлттық университеті – еліміздегі жетекші жоғары оқу орындарының бірі әрі ірі білім және ғылым орталығы. Университеттің философия және саясаттану факультетіндегі дінтану және мәдениеттану кафедрасы дінтану саласында жоғары білікті мамандар даярлайды. Білім беру үдерісі заманауи талаптарға сай ұйымдастырылып, студенттердің ғылыми-зерттеу қабілеттерін дамытуға, зайырлылық қағидаттарын ұстануға және діни құбылыстарды жан-жақты талдауға бағытталған. Дінтану мамандығы қоғамдағы діни үдерістерді зерттеу, конфессияаралық келісімді нығайту және діни сауаттылықты арттыру тұрғысынан маңызды рөл атқарады.