Ақмола кәсіпкерлеріне МЖК бойынша студенттер жатақханаларын салу ұсынылды

Сонымен қатар, Ш.Уәлиханов атындағы мемлекеттік университет өз студенттері үшін жергілікті қонақ үйде 100 орынды жалға алды. 15 мың теңгені оқу орны төлесе, ал қалған 15 мың студенттер өздері төлейді. Бұл, әдетте, 3 және 4 курс студенттері.

Көкшетауда өткен семинар барысында ел Президентінің үшінші әлеуметтік бастамасын жүзеге асыру мәселелері талқыланды. Оған «Қазақстандық мемлекеттік-жеке меншік әріптестік орталығы» АҚ, жоғары оқу орындары мен колледждердің әкімшілігі, жеке кәсіпкерлер қатысты.

«2022 жылға дейін Қазақстанда кем дегенде 75 мың адамға арналған жатақханалардың құрылысын қамтамасыз ету қажет. Бүгін біз кәсіпкерлерді осы тапсырманы орындауға қатысуға шақырамыз. Мемлекеттік тапсырысты студенттерге, магистранттарға және докторанттарға жатақханалардағы орындармен және мемлекеттік тапсырыстарды есептеу әдістерімен қамтамасыз ету туралы ережеге сәйкес мемлекет инвестициялық шығынның көпшілігіне кәсіпкерлерді қайтарады. Жаңа құрылыс үшін әрбір орын үшін мемлекеттік тапсырыс 122 айлық есептік көрсеткіш, ғимараттарды қайта жаңарту үшін - 47 АЕК құрайды», - деп түсіндірді «Қазақстандық мемлекеттік-жеке меншік әріптестік орталығы» АҚ Басқарма төрағасының орынбасары Талғат Матаев.

Ақмола кәсіпкерлері қызығушылық танытып, барлық нәрселерді салмақтап отыру керектігін айтты. Атап айтқанда, оларға жаңа жатақхана салу ғана емес, ескі, тасталған ғимараттарды қайта құру ұсынылды.