Ақтөбеде Астананың 20 жылдығына парк ашылды

Өзінің құттықтау сөзінде облыс әкімі Бердібек Сапарбаев, ең алдымен, құрылысшылардың біріккен командасына қысқа мерзім ішінде үлкен жұмыстар атқарғаны үшін алғысын білдірді. Ол сондай-ақ, «Астана» саябағы облыс орталығына көрнекті тарту болатынына сенім білдірді.

«Биылғы жылы өзінің 20 жылдығын атап өтетін Астана - Қазақстанның жетістігі мен дамуының белгісі, елдің әрбір азаматының мақтанышы. Ақтөбе тұрғындары, барлық қазақстандықтар сияқты, осындай маңызды күнді атап өтуге үлес қосады. Бұрын біздің өңір Тәуелсіздік алаңында орналасқан елордалық «Бейбітшілік қабырғасын» таныстырды және бүгін Ақтөбеде «Астана» паркі ашылды. Құрылыстың құнының жартысын Астана қаласының әкімдігі қаржыландырады. Бұл үлкен парк болады. Біздің мақсатымыз - оны азаматтарға, балаларымыз бен қонақтарымызға сүйікті демалыс орнына айналдыру», - деп атап өтті Бердібек Сапарбаев.

Қала орталығында орналасқан «Астана» саябағының құрылысы тамыз айында басталды. Жалпы аумағы 4,3 гектар. Бүгінгі күні 2 гектар аумақ абаттандырылды. Жылдың аяғында үлкен нысан толық пайдалануға беріледі деп күтілуде. Құрылыс-монтаж жұмыстарының құны 266 млн. теңгені құрайды, бас мердігер - «Мерей» құрылыс компаниясы» ЖШС.

Парк үлкен ауқымды жасыл кешеннің ажырамас бөлігі болып табылады. Парктің келушілерін жоспарлаудағы негізгі міндет, қонақтар өздерін Астанада жүрген сияқты сезінуі керек. Парктің 3D-панорамасында астананың барлық көрнекті орындары бейнеленетін болады.

3D панорамасы бар ядро айналасында рекреациялық аймақтар, жолдар, тротуарлар, кіші архитектуралық нысандар, классикалық шамдар, орындықтар, мүсіндік композициялар, ойын алаңдары, рельефті төбелер болады.

Парктің тағы бір ерекшелігі - ондағы жасанды су арнасы, ені 5-6 метр және тереңдігі 50 сантиметр, Есіл өзенін бейнелейді. Көпірлер арна арқылы өтеді. Парк автоматты ирригациялық жүйемен жабдықталады.