Алғыс хат табысталды

«Нұр Отан» партиясы Талдықорған қалалық филиалында қала әкімі, қалалық партия филиалының төрағасы Бағдат Әбілмәжінұлы Қарасаев сайлау науқанына белсенді қатысқандары үшін  Елбасы, партия төрағасы Н.Ә.Назарбаевтың,  төрағаның бірінші орынбасары А. Мырзахметовтің  Алғыс хатын табыстады.

Салтанатты жиынға Қазақстан Республикасының Парламенті Мәжілісі мен мәслихаттары депутаттарының сайлауында «Нұр Отан» партиясының  сайлау науқанына  белсене атсалысып, қажырлы еңбек еткен партия мүшелері, бастауыш партия төрағалары, сайлауалды штаб мүшелері, партия ардагерлері мен еріктілер марапатталды.