Қазақстан заманауи әлемдік үрдістерден артта қалмайды – Елбасы. 1-бөлім

Қазақстан Республикасының Президенті Нұрсұлтан Назарбаев Астана экономикалық форумының аясында өткен Global Challenges Summit 2018 саммитінде қазақстандықтардың болашаққа зор үмітпен қарайтынын мәлімдеді.

Панельдік сессия барысында модератор Қазақстан Республикасының Президенті Нұрсұлтан Назарбаевқа Қазақстанның жаңа жаһандану заманындағы өзгерістерге ілесу мәселесі туралы сұрады.

«Біз жаңа шындыққа бейімделуіміз керек, сіз 5 негізгі бағыт туралы айттыңыз: сіздің ойыңызша мұндай тез өзгеріс Қазақстан үшін қауіп немесе мүмкіндік болады ма?», - деп сұрады отырыс модераторы.

Президент бұл сауалға британдық саясаткер Уинстон Черчилльдің сөзімен жауап берді.

«Менің сөйлеген сөзімде сіздерге қазір істеп жатқанымызды, Кеңес Одағы ыдырағаннан кейін қалай дамығандығымызды жеткізуге тырыстым. Кеңес Одағында 15 республика болды, Қазақстан Ресей Федерациясынан кейін 12-13 орында болды, екінші орында Украина болды. Қазір екінші орында - Қазақстан. Экономика бойынша, жылдамдықпен және т.б. Әрине, қиындықтар бар. Мен сіздердің сұрақтарыңызға, бәрі өркендеп келе жатқандықтан, біз жасаған барлық нәрселер тез дамуға дайындалды деп жауап беремін. Баламалы индустрияны құру бойынша біздің жұмысымыз шикізаттан өзгеше, жастарды тәрбиелеу, тиісті жоғары оқу орындарын құруға деген ұмтылысымыз - бұл бүгінгі дайындық. Черчилль мырзаның сөзімен жауап беретін болсам, пессимист барлық нәрседен жамандық іздейді, оптимист жақсы нәрсе іздейді. Мен қазақстандықтарды оптимистер деп санаймын. Біз болашаққа зор үмітпен қараймыз», - деді Президент.

Ақпарат көзі