Қазақстанда «7-20-25» бағдарламасы бойынша 36,4 млрд теңгеге 3 мыңнан астам өтінім мақұлданды

«2018 жылғы 20 қарашадағы жағдай бойынша «7-20-25» бағдарламасының жүзеге асырылуы аясында 55,1 млрд. теңгеге 4 657 өтініш келіп түсті. Оның 36,4 млрд теңгесі немесе 3 036 өтінім мақұлданды», - деп хабарлады ҚР Ұлттық банкінің баспасөз қызметі.

Бұған дейін бағдарламаның орындалу барысы туралы «Баспана» компаниясының басшысы әңгімелеген еді. Сондай-ақ, қазақстандықтар интернеттегі несие сараптамасынан өту мүмкіндігіне ие болды.

«7-20-25» бағдарламасы Мемлекет басшысының 2018 жылдың 5 наурызында жария еткен «Бес әлеуметтік бастаманы» іске асыру шеңберінде әзірленген. Ұлттық Банк бекіткен бағдарлама мамыр айының соңында келесі шарттарда ипотекалық несиелерді беруді қарастырады: пайыздық мөлшерлеме - жылдық 7%, алдын ала төлем - 20%, несие мерзімі - 25 жылға дейін.

«7-20-25» бағдарламасының мақсаты тұрғындарды жаңа ғимараттарда тұрғын үй сатып алу үшін төмен пайыздық ипотекамен қамтамасыз ету болып табылады. Бұл арзан ресурстардың механизмі және жұмысшылардың барлығы несиеге пәтер сатып ала алады. Оның негізгі шарттары: несиелік сыйақы мөлшерлемесі жылына 7% -ға дейін төмендетілді, алдын-ала төлем 20% -дан аспайды және ай сайынғы төлемді төлеу ауыртпалығын төмендетеді, несие мерзімі 25 жылға дейін ұзартылды.