Дима Билан, Джиган және Тимур Родригес: Астанадағы «Open Air» жұлдыздарының тізімі жарияланды

29 мамырда Астанада «Ұлы дала бірлігі» Open Air дәстүрлі шоу-концерт ашық аспан астында өткізіледі. «Қазақ елі» монументінің алаңында ашылатын сахнада қазақстандық және ресейлік шоу-бизнес жұлдыздары өнер көрсетеді, олардың хиттары әрқашан ең танымал музыкалық рейтингтің көш басында, деп хабарлайды Мәдениет және спорт басқармасының баспасөз қызметі.

Қазақстандық эстрадасын Қайрат Нұртас, Айқын, Мадина Сәдуақасова, Кәмшат Жолдыбаева, Әлішер Кәрімов, Ерке Есмахан, Ринат Мальцагов, Ринго тобы және көрермендердің сүйікті тобы - Ninety One сияқты әншілер мен топтар ұсынатын болады.

Келесі Ресейлік жұлдыздар Астананы мерейтоймен құттықтайтын болады: Дима Билан, Юлиана Караулова, Сергей Лазарев, Анна Седокова, Натан, Анна Семенович, Джиган, Елена Темникова, Тимур Родригес, Макс Барских, Миша Марвин, «Градусы» тобы, Artik & Asti.

Қонақтар 6 сағаттық жанды әуен, әсерлі спецэффекттер мен жағымды эмоциялардың теңізі күтеді. Концерт 17.00-де басталады және 23.00-ге дейін жалғасады. Жүргізушілер Азамат пен Антон, Айнұр Ілиясова мен Азат Әбікен өздерінің қызықты әзілдерімен кешті өткізетін болады.

«Open Air» концерті Астана күніне орай төртінші жыл қатарынан өткізілетін жыл сайынғы дәстүрлі іс-шара болды. Өткен жылы ол 50 мыңнан астам көрермен жинады.