Мемлекеттік хатшысы маргиналды жастардың үлесін қысқартуға шақырды. 2-бөлім

«2013 жылдан бастап 2020 жылға дейінгі мемлекеттік жастар саясатының тұжырымдамасы жүзеге асырылды. 2016 жылдан бастап, осы тұжырымдаманың екінші кезеңін іске асыру басталды, 2015 жылы мемлекеттік жастар саясаты туралы заң алғаш рет қабылданды. Үшіншіден, ведомствоаралық өзара іс-қимыл күшейтілді. Іс-шараның нәтижесі орталық және жергілікті атқарушы органдардың жастар саясатына назарын аудару болды», - деді ол.

Қазақстан Республикасының Мемлекеттік хатшысы атап өткендей, жастармен жұмысты бағалаудың мақсатты көрсеткіштерінің тізімі жасалды.

«Қаржыландыру үнемі артып, соңғы үш жылда қаржыландыру көлемі республикалық деңгейде 2 млрд. теңгеге жеткен. «Дипломмен ауылға», «Жасыл Ел», «Жастар кадрлар резерві», «Мәңгілік ел жастары», «Жастар тәжірибесі» сияқты бағдарламалар жалғасуда. Жалпы алғанда, бұл шаралар Қазақстанға 2016 жылы жастар дамуының жаһандық индексі бойынша 183 елден 61 позицияға жетуге мүмкіндік берді», - деді Гүлшара Әбдіхалықова.

Кездесу барысында Қазақстан Республикасының Мемлекеттік хатшысы жастардың проблемаларын қысқарту жөніндегі шаралар туралы әңгімеледі.

«Кеңестің жұмысы болашақта жастардың проблемаларын азайту бойынша ұсыныстар әзірлеуге бағытталатын болады. Бұл жұмыссыздықпен күресу, маргиналды жастардың үлесін азайту, тұтыну табынуын жою, жастар ортасын радикалдандыру тәуекелін төмендету», - деді ол.