Ортақ виза жасау қажет - Назарбаева Орталық Азиядағы туризмді дамыту туралы
Сенаттың Халықаралық қатынастар, қорғаныс және қауіпсіздік жөніндегі комитетінің мүшелері Өзбекстан Республикасының Олий Мәжілісінің Сыртқы байланыстар, сыртқы экономикалық байланыстар, шетелдік инвестициялар және туризм жөніндегі комитетінің депутаттарымен кездесуден кейін нақты ұсыныстарды Үкіметке жібереді. Бұл туралы Оңтүстік Қазақстан облысының Сарыағаш қаласында журналистерге берген сұхбатында Сенат комитетінің төрағасы Дариға Назарбаева мәлімдеді, деп хабарлайды ҚР Парламенті Сенатының баспасөз қызметі.
Қазақстан мен Өзбекстан сенаторлары кедендік реттеуді жетілдіру, тауар айналымын арттыру және туризм саласындағы ынтымақтастықты жандандыру жөнінде өз ұсыныстарын білдірді.
«Ашық және достық шекараны құру керек, содан кейін барлық салалардағы қатынастар өздігінен құрылады. Барлық кедендік процедураларды біріктіру қажет. Ақпаратсыз, қазіргі ақпараттық жүйелерсіз шекарада бақылауды қамтамасыз ету мүмкін емес», - деді Назарбаева.
Сенаторлар сонымен қатар, екі елдің туристік әлеуетін дамыту мәселесін қарады.
«Қазақстан мен Өзбекстандағы туризмнің дамуын ынталандыру ғана маңызды емес, сонымен қатар Орталық Азияның барлық көрікті жерлерін бірден көргісіз келетін алыс шетел туристерінің келуі де маңызды, осыған байланысты жалпы виза жасау қажет», - деді Назарбаева.
Ол Азиялық Шенген - Жібек визасын құруды ұсынды.
Парламенттегілер барлық мәселелерді кезең-кезеңмен шешу үшін бірлескен Жол картасын әзірлеуге келісті. Сенат комитеттерінің деңгейінде өзара іс-қимылдың мұндай форматы жалғасатын болады.
Өзбекстан Республикасы Парламенті Сенатының Халықаралық қатынастар, сыртқы экономикалық байланыстар, шетелдік инвестициялар және туризм жөніндегі комитетінің төрағасы Алишер Құрманов Өзбекстан мен Қазақстан арасында шешілмеген мәселелердің жоқтығын атап өтті.
«Бұл парламентшілер, министрліктер мен ведомстволардың өкілдері біздің президенттерімізді, біздің халықтарымызды жақындастыру ниетінде толық қолдайтынын көрсетеді», - деді ол.
Іс-шараға ҰҚК Шекара қызметінің өкілдері, ҚР ІІМ көші-қон қызметі комитеті, Ауыл шаруашылығы, Қорғаныс және аэроғарыштық өнеркәсіп, Мәдениет және спорт министрліктерінің өкілдері қатысты.