Түркістан облысында шегірткеге қарсы дәрі алқаптарға дронмен себілуде

Түркістан облысында алқаптар ұшқышсыз ұшу аппараттарының көмегімен марокко шегірткелеріне қарсы өңделіп жатыр.

Қазірдің өзінде 252 мың гектар жер (93%) өңделді. Оның 1,4 мың гектарына арнайы дрондар қолданылды. Заманауи техника бір сағатта 18 гектар жерді қамти алады. Әуедегі жұмыс уақыты - 15-17 минут.
Премьер-Министрдің орынбасары Серік Жұманғарин шегірткемен күресу бойынша дәрі-дәрмек жеткізу мен сақтаудан бастап, өңдеуге дейінгі барлық қызмет түрлерін көрсететін мердігерлермен сөйлесті. Жұмыс барысымен танысып, тиісті тапсырмалар берді.
Бұл тәсіл Түркістан облысында пилоттық жоба түрінде сынақтан өтуде. Келесі жылы республика бойынша шегірткеге қарсы күрес қызметтерін сатып алуды орталықтандырылған бірыңғай жүйеге көшіру жоспарланған.