Түймебаев жастарды Түркістанның дамуына үлес қосуға шақырды

Түркістан облысының әкімі Жансейіт Түймебаев еліміздің жас көшбасшыларымен бейресми кездесу өткізді. Аймақ басшысы әңгімелесушілерді түркі әлемінің рухани астанасы болған өңірлік орталықтың дамуы мен гүлденуіне үлес қосуға шақырды.

Сонымен қатар, облыс басшысы Түркістан аймағында жас ұрпақтың толыққанды дамуы үшін жағдай жасалып жатқанын атап өтті. Өз кезегінде тоғызқұмалақтан 7 дүркін әлем чемпионы, «Қазақстанның 100 жаңа бейнесі» жобасының жеңімпазы Әсел Далиева барлық жетістіктерге мемлекеттің жастарға қатысты қамқорлығы мен қолдауының арқасында қол жеткізілгенін атап өтті.

«Бүгінгі таңда аймақтағы жастар әртүрлі салаларда өткен конкурстар мен байқауларда жоғары нәтижелерге қол жеткізіп отырады, сонымен бірге, жастарға қолдау көрсету өте маңызды, бүгінгі күні мен де жаттықтырушылық іспен айналысамын, мұның бәрі бізге сенім артуымен байланысты, себебі жас спортшыларға үміт көп. Облыс орталығының Түркістан қаласына ауысуы тоғызқұмалақ сияқты спортты одан әрі күшейтуге мүмкіндік беретінін атап өткім келеді. Жаңа ғимараттар мен спорт алаңдарының құрылысы жас спортшыларға есік ашады. Мұндай мүмкіндіктер жастардың өңірдің дамуына өз үлестерін қосуға мүмкіндік беретініне сенімдімін», - деді Далиева.