Жұмыс неғұрлым қиын болса, оған орналасу соғұрлым жеңіл болады
Алматыда жұмыссыздық ұзақ уақыт бойы қолайлы деңгейде, яғни 5% шамасында сақталды. Осы жылдың 1 желтоқсанына дейін 55 787 жаңа жұмыс орны ашылды
Алматы ең ірі мегаполис, Қазақстан Республикасының қаржы және іскерлік орталығы және қала маңындағы тұрғындарды, қазақстандықтарды және басқа мемлекет азаматтарын тартатын орталық болып табылады. Мұның бәрі еңбек нарығында ерекше із қалдырады. Бұл бағытта Алматы қаласының Жұмыспен қамту және әлеуметтік бағдарламалар басқармасы жүйелі жұмыстар жүргізеді
Статистикалық мәліметтерге сәйкес, 2022 жылдың 3 тоқсанында қала бойынша еңбекке қабілетті халық саны 1063,9 мың адамды құрады - өткен жылдың кезеңіне 2,8% қосылған, жұмыспен қамтылғандар - 1011 мың немесе 97%. Оның 11,2 пайызы немесе 113 мыңы өзін-өзі жұмыспен қамтыған азаматтар
Мәселен, оңтүстік астанада жұмыссыздар саны 53,2 мың адам, жұмыссыздық деңгейі 5 пайызды құрап отыр. 2022 жылдың басынан бастап Жұмыспен қамту орталығына 43 969 адам жүгінді, 26 297 адам жұмыссыз ретінде тіркелді
Сапалы жұмыс орындарын құру үшін қандай жұмыстар атқарылуда? Биылдан бастап Кәсіпкерлікті дамытудың 2021-2025 жылдарға арналған ұлттық жобасы аясында жұмыспен қамту шаралары қолға алынған
Бірінші бағыт аясында 12 688 адам уақытша жұмысқа орналасты
Жұмыссыздар үшін «әлеуметтік жұмыс орны» құрылған. Аз қамтылған және көп балалы отбасы мүшелеріне, мүмкіндігі шектеулі балаларды тәрбиелеп отырған адамдарға басымдық беріледі. Жалақы мемлекеттік бюджет есебінен 35%-ға дейін субсидияланады. Мұндай 1029 орын құрылды
«Жастар тәжірибесі» – жоғары оқу орнын бітірген 29 жасқа дейінгі, дипломды үш жылдан ерте емес алған, жұмыс өтілі жоқ түлектерге арналған. Мерзімі – 40 АЕК-ке дейін жалақыны субсидиялаумен 12 ай. 1179 орын ашылды
Қоғамдық жұмыстар – 9 932 адам
«Ұрпақтар шарты» - зейнеткерлікке шыққан жұмысшылардың орнына жастар дайындалуда. Бұл ретте әрбір жаңа бастаған жұмысшыға тәлімгер бекітіледі. Жалақыны субсидиялау – 6 айға 30 АЕК-ке дейін. 63 адам қабылданды
«Күміс ғасыр» – зейнетке шығуға екі жыл қалғандар – 63 адам
«Алғашқы жұмыс» – 29 жастан жоғары емес және NEET санаты бойынша жастар (оқымайды және жұмыс істемейді). Жалақыны субсидиялау – бірінші жыл ішінде 30 АЕК-ке дейін. 422 адам алғаш рет күнделікті нанын табу мүмкіндігіне ие болды
Қысқа мерзімді кәсіптік оқуға 1022 адам жіберілді, сонымен қатар enbek.kz платформасында біліктілікті арттыру курстары жүргізілуде – онда 1492 адам
Екінші бағыт (бизнес ашу) аясында 400 АЕК-ке дейін – 1570 адамға өтеусіз гранттар берілді
ЖАЛПЫ 2022 ЖЫЛЫ ҚАЛАДА 52 241 ЖҰМЫС - 36 126 ТҰРАҚТЫ, 16 115 УАҚЫтша ЖҰМЫС. осы жылдың 1-ші желтоқсанға дейін 55787 ЖҰМЫС ОРЫНЫ ҚҰРЫЛДЫ
Сонымен қатар, Алматы қаласы Жұмыспен қамту орталығы 30 бос жұмыс орындары жәрмеңкесін ұйымдастырып, оған 1000 жұмыс беруші, 10883 өтініш беруші қатысып, 11383 бос жұмыс орындары ұсынылды
Шамасымен әр нәрсе жақсы болар: нөлдік жұмыссыздық, яғни бәсекелестіктің мүлдем болмауы жұмысшылардың бір бөлігін еңбекке ынталандырудан айырады, ал жоғары жұмыссыздық әлеуметтік шиеленіс тудырады. 5% деген - халықаралық стандарттар бойынша қолайлы көрсеткіш