orazali

Семей қаласындағы "Бирюса" сауда үйінде өрт болды.

Алғашқы өрт сөндіру бөлімшелері келгенде қатты түтін байқалды. ГТҚҚ буыны дереу құрылып, барлауға кірісті.
Барлау барысында аспалы төбенің жанып тұрғаны және қатты түтін бар екендігі анықталды.
Өрт 14-26 оқшауланып, 16-25 сөндірілді. Зардап шеккендер жоқ.
Өртті жоюға жеке құрамның 16 адамы, 4 бірлік техника жұмылдырылды.
Өрттің алдын ала ауданы 15 ш.м. құрайды. Өрттің себебі анықталуда.

Айта кетейік, 6 ақпанда Семейдегі Ақшың сауда үйінде алапат өрт болған еді.

@press_TJM

"ҚазТрансОйл" ұлттық компаниясының өрт сөндірушілері 16 ақпаннан бастап жұмысқа шықпай қойған. Бұған олардың жалақысының аздығы себеп.Интернетте тараған видеода бір өрт сөндіруші жұмысшылардың талабын оқып берді. "Маңғыстау облысының "Зевс Энерго" өрт сөндіру компаниясы Ақтау, Жаңаөзен, Жетібай, Қаражанбас, Қаламқас ұжымдарының атынан үндеу. Осы уақытқа дейін мемлекеттік органдарға ескерту жасалып, арыз-талабымыз оң шешімін тапқан жоқ. Сол себептен ақпанның 16-сынан бастап жұмысты тоқтаттық. Айлығымыз 130-150 мың теңге аралығында. Еңбек демалысына 80 мың теңге беріліп келеді. Бұл қазіргі қымбатшылыққа байланысты аздық етеді. Айлығымызды 350 мыңға көтеруіңізді, әлеуметтік пакет қосылуын талап етеміз. Денсаулығымызға зиян аймақта жұмыс істеп жүргендіктен сүт, тағы басқа пайдалы азықпен қамт…

Ақтөбе облысында есірткі қылмысына қарсы іс-қимыл бөлінісінің қызметкерлері оңтүстік өңірден есірткі жеткізу арнасының жолын кесті."Ақтөбеде қала тұрғыны тізгіндеген Toyota Alphard автокөлігі тоқтатылды. Көлікті тінту кезінде жүксалғышта өсімдік тектес, жасыл түсті, ерекше иісі бар зат салынған және скотчпен оралған алты полимерлі қап табылып, тәркіленді. Сараптама қорытындысына сәйкес тәркіленген зат салмағы 57,5 келі марихуана екені анықталды", – деді ҚР ІІМ есірткі қылмысына қарсы іс-қимыл департаменті бастығының орынбасары Бақытжан Әмірханов. Ары қарай жүргізілген жедел-іздестіру іс-шаралары нәтижесінде тағы бір күдікті ұсталды. Оның гаражынан өсімдік тектес заттар бар екі үлкен қара пакет табылып, тәркіленді. Тәркіленген зат салмағы 20 келі болатын марихуана болып шықты. Медициналық…

Соңғы 24 сағаттың ішінде Абай облысының Көкпекті ауданында автомобиль жолдарының жабылуына және шектеулердің енгізілуіне байланысты автомобильдер кептелісі болды. Оладың жалпы саны 100 жеңіл, 15 жүк көлігі және 1 автобус.
Қазіргі уақытта бұл көліктер бағанда, қардың өтуіне және нөлдік көрінуіне байланысты қозғалысты жалғастыра алмайды.
Кептеліс орнына облыстың ТЖД күштері мен құралдары жіберілді.
Қазіргі уақытта құтқарушылар Көкпекті ауылына 7 адамды эвакуациялады. Медициналық көмек қажет емес.
Семей қаласынан 25 адам мен өтімділігі жоғары техникадан тұратын қосымша күштер мен құралдар жіберілді.

@press_TJM

Батыс Қазақстан облысында полиция супермаркеттен 6 миллион теңге ұрлаған қарақшыны ұстады.

Бөрлі аудандық полиция бөлімінің криминалдық полиция қызметкерлері жедел іздестіру іс-шаралары нәтижесінде 25 жастағы күдіктіні құрықтады.
Ол Ақсай қаласындағы супермаркеттердің біріне қарақшылық шабуыл жасап, ақша ұрлаған. Күдікті сауда орнының әкімшісін аңдып, аулаға шыққан кезде ұрып-соғып, кілтін тартып алып, дабыл сигнализациясын өшіріп, супермаркетке кірген. Ол жерден 6 миллион теңгеге жуық апталық табысты жымқырып кеткен.

Тонау фактісі бойынша қылмыстық іс қозғалды. Тергеу амалдары жүргізілуде.
Күдікті уақытша ұстау изоляторына қамалды.

https://t.me/POLICE_of_KZ

Бүгін Алматы қаласында тағы да жер сілкінді.

Фото: РИА Новости

"ҚР ТЖМ "Сейсмологиялық бақылаулар және зерттеулер ұлттық ғылыми орталығы" ЖШС сейсмикалық станциялар желісі 2024 жылғы 15 ақпанда сағат 09.52-де жер сілкінісін тіркеді. Жер сілкінісінің эпиорталығы Алматы қаласынан оңтүстік-шығысқа қарай 260 км жерде Қытай аумағында - афтершок орналасқан. Сезілуі туралы мәліметтер (МЅК-64 шкаласы бойынша): Алматы қаласында - 2 балл.
Жағдай тұрақты.
ТЖМ азаматтарға сабыр сақтап, дүрбелеңге берілмеуге кеңес береді", - деп хабалады Төтенше жағдайлар министрлігі.

@press_TJM

Қызылорда облысында автокөлік тас жол бойында тұрған автокөлікке соғысқан. Осы оқиға салдарынан бір адам қаза тапты.

Қайғылы оқиға Қызылорда облысы Арал ауданына қарасты Сазды елді мекенінің тұсында «Самара-Шымкент» тас жолының бойында болған.

«Toyota Alphard» маркалы автокөлігі жол бойында тұрған «Mercedes benz» маркалы автокөлігіне соқтығысқан. Жол-көлік оқиғасы салдарынан «Mercedes benz» жүргізушісі оқиға орнында қаза тапты.

Осы жол апатына байланысты қылмыстық іс қозғалды. Сотқа дейінгі тергеп-тексеру жүргізілуде.

kaz.inform.kz

"Өткен тәулікте Қазақстан ТЖМ күштері 174 жедел шығу жасады, оның 85-і өрттер мен жану оқиғаларына, 89-і іздестіру, авариялық-құтқару және басқа да жұмыстарға. Бұл ретте 32 адам құтқарылып, эвакуацияланды.

ТЖМ азаматтарды өрт қауіпсіздігі шараларын сақтап, дауылды ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады.

Абай болыңыз! Біз үшін әрбір өмір маңызды!", - деп жазады @press_TJM.

Ұлттық қауіпсіздік комитетінің Ұлытау облысы бойынша департаменті өңірге аса ірі мөлшерде есірткі жеткізу арнасының жолын кесті. Бұл туралы ҰҚК баспасөз қызметі хабарлады.

2024 жылғы қаңтарда ҰҚКД жедел қызметкерлері есірткі құралдары мен психотроптық заттарды өткізді деген күдікпен Жезқазған және Сәтпаев қалаларының 4 тұрғынын ұстады.
Тінтулер кезінде олардан 20 кг марихуана, 2 кг гашиш, 250 грамм «альфа-PVP» психотроптық заты және 30 «марка» деп аталатын ЛСД есірткісі алынды.
Қылмыстық кодекстің 297-бабы 3-бөлігі бойынша сотқа дейінгі тергеп-тексеру жүргізілуде.
Сот санкциясымен ұсталған адамдарға қамауда ұстау түріндегі бұлтартпау шарасы таңдалды.
ҚР Қылмыстық-процестік кодексінің 201-бабы 1-бөлігіне сәйкес өзге ақпарат жария етуге жатпайды.

Төтенше жағдайлар министрлігінің мамандары өткен тәулік бойы да тыным таппай, көптеген шұғыл шақыртуларға шықты.

"Өткен тәулікте Қазақстан ТЖМ күштері 184 жедел шығу жасады, оның 60-ы өрттер мен жану оқиғаларына, 124-і іздестіру, авариялық-құтқару және басқа да жұмыстарға. Бұл ретте 118 адам құтқарылды және эвакуацияланды. ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады", - делінген ТЖМ хабарламасында.