«AMANAT» партиясы Жәнібек аудандық филиалы жанынан құрылған мониторингтік топ мүшелері Жәнібек ауылындағы бірқатар сауда орындарында болып, әлеуметтік маңызы бар азық-түлік тауарларының бағасы, сапасы мен қамтамасыз етілуі бойынша бақылау жүргізді.
Арнайы жасақталған мониторингтік топтың құрамында партия жанындағы кәсіпкерлік және партиялық бақылау комиссиясының мүшелері, бастауыш партия ұйымының төрағалары бар.
Осы орайда топ мүшелері кәсіп иелеріне бағаларды тұрақты ұстап тұруға және бағаны негізсіз көтеру жауапкершілікке тартылатыны жөнінде түсіндірме жұмыстары жүргізілді.
Алдағы уақытта партия тарапынан өңірдегі сауда орындары мен базарлардағы тауарлардың бағасына тұрақты бақылау және талдау жұмыстары жүргізіліп тұрады.
#AMANAT
#АсхатОралов