Партиялық бақылау комиссиясының жүргізілген рейді
«AMANAT» партиясының «Өзгерістер жолы: Әр азаматқа лайықты өмір!» сайлауалды бағдарламасын Жәнібек ауданында іске асыру жөніндегі Жол картасында белгіленген міндеттердің орындалуына партиялық бақылау жүргізу мақсатында «AMANAT» партиясы Жәнібек аудандық филиалы атқарушы хатшысы Біржан Қуанәлиев, аудандық мәслихатының хатшысы Тахир Кадимов және партиялық бақылау комиссиясының мүшелері «Ауыл ел бесігі» бағдарламасы бойынша Жәнібек ауылының Қ.Мусин көшесіндегі автожолдың күрделі жөндеу жұмыстарының процесімен танысты. Мемлекеттік сатып алу конкурсының нәтижесінде мердігер «Жайық сити» ЖШС болып анықталған, техникалық қадағалаушысы «Строй Эксперт» акционерлік компаниясы белгіленген. Автомобиль жолының ұзындығы – 1031 метрді құрайды.Қазірге кезде асфальт толықтай төселіп, жол жанындағы материалдары салынып жоспарланған жұмыстарын аяқтап жатыр.