orazali

Санкт-Петербургте ішінде 20 адамы бар автобус көпірден құлап, суға батты.Ресей басылымдары сол автобустағы адамдарды құтқаруға алғаш болып ұмтылған азаматтарды атады. Олар – дағыстандықтар Идрис Гаджиев, Шахбан Жабраилов, Мухаммад Гасанов, қырғызстандық өзбек Илхом Эргашев, қазақ Ерхан Аханов (төмендегі фотода) және Владимир есімді бозбала. Ерхан өз автокөлігінің тросын арқан ретінде қолданыпты. Суда қалқып тұрған автобусқа сол арқанмен дағыстандықтардың бірі түскен.Ерхан Аханов «Ойым тек адамдарды құтқару болды. Онда біреудің әкесі не шешесі, біреудің баласы бар ғой. Қолдан келгенше жәрдем бердік. Менің ойымша, бұл жерде өзін еркек немесе адам санайтын кез келген азамат тоқтап, көмектесер еді», – дейді Ерхан.  Айта кетейік, кеше Санкт-Петербургте автобус Мойка өзеніне құлап, со…

Қорғаныс бөгеттері көп мөлшердегі суды төртінші күн бойы ұстап тұр.

Атырау облысында Жайық өзеніндегі су деңгейінің көтерілуіне байланысты кейбір елді мекендерді су басу қаупі әлі де сақталуда.

Өңірде жалпы ұзындығы 520 км-ден асатын су тасқынына қарсы бөгеттер салынды.

"Қазгидромет" РМК гидрологиялық мониторингі деректері бойынша ағымдағы жылғы 11 мамырда сағат 09-00-дегі жағдай бойынша:
Атырау - 533 см. Тәулігіне + 5 см.
Индербор ауданы 1026 см. Тәулігіне +12 см.
Махамбет ауданы 939 см. Тәулігіне +15 см.
Айта кетейік, Жайық-Индербор және Жайық-Махамбет гидропостында су деңгейі шектік белгіден асып түсті. Су тасқыны жағдайы ҚР ТЖМ құтқарушыларының бақылауында.

t.me/qr_tjm

Президент Әкімшілігінің және Алатау қалалық мәслихаты депутаттарының келісімі бойынша Алматы облысы әкімінің өкімімен Әркен Өтенов Алатау қаласының әкімі  болып тағайындалды.Әркен Хамитұлы 1983 жылы туған, қазақ, білімі жоғары, 2006 жылы Әл- Фараби атындағы Қазақ Ұлттық университетін, 2010 жылы Карнеги Меллон университетін («Болашақ» бағдарламасының түлегі) бітірген. Халықаралық қатынастар маманы, мемлекеттік саясат және басқару ғылымының магистрі.Еңбек жолын 2006 жылы «Казинвестбанк» АҚ корпоративтік клиенттермен жұмыс жөніндегі менеджері болып бастаған.Әр жылдары елдің банк саласында қызмет атқарған. Одан кейін Президент Әкімшілігінде, Қаржы министрлігінің Мемлекеттік кірістер комитетінде қызмет атқарған.2019 жылғы тамыздан желтоқсанға дейін Президент Әкімшілігінің Сыртқы…

Іле Алатауында жағдайы нашарлаған туристке ТЖМ құтқарушылары көмекке барған.

9 мамырда 4 турист Шымбұлақ шыңына (3450 м) шыққан. Жоғарыға жеткен соң бір қыздың халі нашарлап, өздігінен түсе алмай қалады.

"Көмек көрсету үшін оқиға орнына Республикалық жедел құтқару жасағының құтқарушылары, оның ішінде кинологиялық құрам жіберілді. Түнде РЖҚЖ құтқарушылары туристерге жетіп, екі қызға алғашқы көмек көрсетіп, оларды төменге алып түсті", - деп хабарлайды t.me/qr_tjm.

Сөйтіп, туристер Апаттар медицинасы орталығының дәрігерлеріне тапсырылған.

Кеше түске жақын Alma TV-дағы ғаламтор желісі таратылымында ақау болған еді. Соны компания өкілдері түсіндіріп берді.

Олардың айтуынша, сұмдық бір кибершабуыл болыпты.

"2024 жылғы 09 мамырда сағат 12:02-де интернет-хабар таратуда үзілістер байқалғанын (аналогтық, цифрлық, спутниктік теледидар қызметтері штаттық режимде жұмыс істеп тұрды) назарларыңызға жеткіземіз.
Қызмет провайдерінен алынған мәліметтерге сәйкес, сәтсіздікке көпдеңгейлі кибершабуыл себеп болды.
Компания мамандары жедел әрекет етіп, сервистің жұмысын қалпына келтіру үшін қажетті шараларды қабылдады.
Қазіргі уақытта қызмет толық қалпына келтірілді және штаттық режимде жұмыс істейді", - делінген Alma TV хабарламасында.

Атырау облысының Индер ауданындағы Индербор кентінде Жайықтың су деңгейі көтеріліп жатыр.

Өзеннің бойындағы бөгеттерді нығайтуға қызылордалық мамандар көмекке келген.

«Ауа райының қолайсыздығына байланысты судың деңгейі қатты көтерілуде. Осыған байланысты елді мекенге қауіп төніп тұр. Су тасқынының алдын алу және оны болдырмау мақсатында Қызылорда облысы Төтенше жағдайлар департаментінің қызметкерлері және жергілікті тұрғындар мен атқарушы органдардың қызметкерлері қосымша топырақ қаптау және бөгеттерді нығайту жұмыстарын жүргізіп жатыр. Жалпы, 80 адам жұмылдырылды», – дейді Қызылорда облысы ТЖД ТЖЖБ басқармасының бастығы Жандос Досымов.

Алматы қаласы, Алматы және Жетісу облыстары бойынша ҚАЖД-ға қарасты №72 мекемесінде бүгінгі мереке құрметіне белгілі әнші Саят Медеуов өнер көрсетті."Өнер қайраткерімен кездесу алдында мекеме ұжымы мен шаруашылық қызмет жасағындағы сотталғандарды Жеңіс күнімен құттықтаған №72 мекеме бастығының орынбасары әділет майоры А. Әлімжанов Қазақстан халқы үшін маңызы зор мерекенің маңызымен таныстырып, құттықтау сөз сөйледі.Ішкі істер министрлігінің ҚАЖД мекемелеріндегі жағдайды сауықтырудың 2023-2025 жылдарға арналған кешенді жоспарының тармақтарын орындау мақсатында ұйымдастырылған кездесуде әнші өз репертуарындағы патриоттық әндерді орындап, сотталғандардың ризашылығына бөленді", - деп жазады Polisia.kz. Рас-өтірігін білмейміз, баяғыда әнші Мәдина Садуақасова бір түрмеде өнер көрсетіп тұрып: "А…

Әлде банк басшылары әлі де «бұл халық бізге не істей алады?» деген оймен алаңсыз отыр ма?Әлеуметтік желінің құдіреті ғой. Соңғы бірнеше күнде ForteBank төңірегінде дау өршіді. Оған осы қаржы ұйымының жұмыс берушілер мен іздеушілердің хабарландыруын жариялайтын сайтқа бір вакансия туралы жазып, онда «Қазақ тілі міндетті емес» («Казахский язык – не обьязательно») деп қойғаны себеп. Дәл осы бір ауыз сөз халықтың шамына қатты тиді. Расымен бұл сөздің қазақ тілін әрі елдің негізін құраушы білдей бір ұлтты қорлап тұрғаны анық.Банк өкілдері оның себебін айтты (әлде солай дей салды ма?). Олардың уәжі бойынша, әлгі бос жұмыс орны туралы хабарландыру сайтқа жасанды интеллект басқаратын робот рекрутер арқылы автоматты түрде жіберілген көрінеді. Сөйтіп тым ақылды болғанымен, сезімге түк жоқ робот қат…

Құрметті отандастар!Баршаңызды Жеңіс күнімен құттықтаймын!Біз 9 мамырда бейбіт өмір мен тыныштықты қорғау жолында құрбан болып, майдан даласынан қайтпай қалған батырларымыздың рухына тағзым етеміз. Соғыс және тыл ардагерлеріне шексіз ризашылық білдіріп, айрықша құрмет көрсетеміз.Қазақстан адамзаттың ортақ жеңісіне, жер бетінде әділдік пен бостандықтың салтанат құруына өлшеусіз үлес қосты. Аға буынның екінші дүниежүзілік соғыс кезіндегі ерлігі мен еңбегі өскелең ұрпақ үшін қайсарлықтың, жанқиярлықтың және отаншылдықтың озық үлгісі болып қалатыны сөзсіз.Бүгінде біз ұлтымыздың қаһарман ұл-қыздарының арқасында алаңсыз еңбек етіп, ұрпақ өсіріп, жарқын болашаққа қадам басып келеміз. Сол үшін оларға мәңгі қарыздармыз. Ешкім де ешқашан ұмытылмайды!Ардагерлерімізге әрдайым бас иеміз!Бейбітшіліктің…

Мемлекет басшысы Қасым-Жомарт Тоқаев Жоғары Еуразиялық экономикалық кеңестің (ЖЕЭК) шағын форматта өткен отырысына қатысты.

ЖЕЭК саммитіне Қазақстан Президентімен қатар, Армения Премьер-министрі – ЖЕЭК төрағасы Никол Пашинян, Ресей Президенті Владимир Путин, Беларусь Президенті Александр Лукашенко, Қырғызстан Президенті Садыр Жапаров, сондай-ақ Еуразиялық экономикалық комиссия алқасының төрағасы Бақытжан Сағынтаев келді.

Мемлекеттер басшылары Еуразиялық экономикалық одақ аясындағы ықпалдастықтың маңызды міндеттері мен негізгі бағыттарын талқылады. Сондай-ақ ЕАЭО қызметінің жекелеген аспектілері жөнінде пікір алмасты.

t.me/aqorda_resmi