Air Astana қызметіне қатысты шағымдар көбейді: жолаушылар не дейді?
Кейінгі кезде әлеуметтік желілерде Air Astana әуе компаниясына қатысты шағымдар жиілеп кеткенін байқадым. Бұрын көбіне сервисін мақтап жататын пікірлер көзге түсетін, ал қазір керісінше жағдайлар жиі талқыланып жатыр.
Фото: © Елена Сергиенко
Мысалы, жолаушылардың бірі 3 кг болатын кішкентай итпен ұшқан кезде тіркеу кезінде орын таңдауға байланысты түсініксіз талаптарға тап болғанын жазған. Бір рейсте – тек терезе жақта әрі ұшақтың соңында отыруға болады десе, кері бағытта «қай жерге отырғызсақ, сонда отырасыз» деген жауап алған. Нақты ереже бар ма, әлде бәрі қызметкерлердің көңіл-күйіне байланысты ма деген сұрақ туындайды. https://www.threads.com/@valeriya.lla/post/DVEqC7qDdS3
Тағы бір жолаушы Мале – Астана рейсінде бортсеріктің дөрекі сөйлеп, тіпті боқтық сөздер қолданғанын айтқан. Бұл – бір ғана жағдай емес. KC 996 (Астана – Алматы) рейсімен екі кішкентай баламен жалғыз ұшқан ана да жағымсыз тәжірибесін бөлісті. Дәретханаға бару үшін бірнеше минутқа сәбиін ұстап тұруды өтінгенде, бортсеріктің «НЕ БЕРІ РЕБЕНКА! У НАС НЕТ ВРЕМЕНИ!» деп айқайлағанын жазған. Абырой болғанда, екінші бортсерік көмектескен. https://www.threads.com/@a.boskeyeva/post/DVB84gsjeJP
Тағы бір жолаушы алдын ала сатып алынған орындарға қатысты түсініксіз жағдайға тап болғанын айтады. Ұшақта бос орындар бола тұра, басқа жолаушыларды сол жерлерге отырғызу, әрі «өз орныңызда отырсыз ба?» деген сұрақ қою – шынымен де ыңғайсыз жағдай. https://www.threads.com/@nuridin_itsme/post/DVBRvbLjIjc
Әрине, пікірлердің арасында «барлығы бірдей емес, мүмкін бір-екі қызметкердің мәселесі шығар» деген көзқарас та бар. Шынында да, кез келген компанияда әртүрлі адамдар жұмыс істейді. Бірақ осындай шағымдар қайталана берсе, бұл енді жеке жағдай емес, жүйелі проблема сияқты көріне бастайды.
Air Astana – елдегі ең ірі әуе компаниясы. Көпшілік балама болмаған соң осы компаниямен ұшады. Сондықтан жолаушылар тарапынан сервистің тек қауіпсіз емес, сонымен бірге адами, сыпайы әрі түсіністікке негізделген болуына сұраныс жоғары.
Қалай болғанда да, бұл жазбалар бір ғана нәрсені көрсетеді: жолаушылар ереженің нақты, бірізді болуын және қызметкерлер тарапынан қарапайым құрмет пен эмпатияны күтеді. Әуе компаниясы бұл сигналдарды ескерсе жақсы болар еді.