Димаш Құдайберген Пласидо Домингоға шапан кигізді
Әлемге әйгілі әнші, Қазақстанның Халық әртісі Димаш Құдайберген атақты испаниялық опера әншісі Пласидо Домингоға шапан сыйлады.

"Қай халықта болмасын, өзінің кіндік қаны тамып, туып-өскен еліне, жеріне деген ыстық ықыласын, терең сезімдерін өлеңге қосып, өз өлкесінің тау-тасын, дархан даласын, аққулы көлін жырламаған өнерпаз кемде-кем.Саф өнері арқылы өз ұлтының үнін,жүректен шыққан тың туындыларын күллі әлемнің алақанында аялата білген 20 ғасырдың үздік опера әншісі Пласидо Доминго атамызға дәстүріміз бойынша шапан жапқан сәттен көрініс.Бүгінгі күн - ертеңгі тарих", - деп жазды Димаш әлеуметтік желіде.
Айта кетейік, бұған дейін Димаш Құдайберген мен Пласидо Доминго Будапештте Virtuosos V4+ жобасының финалында Жорж Бизенің «Искатели жемчуга» операсынан дуэт шырқаған болатын.
