Жаңаөзенде мектеп түлектері ұстазына пәтер сыйлады

Маңғыстау облысындағы Жаңаөзен қаласында балаларға 40 жылдан бері білім беріп келе жатқан Гүлнар Қарақойшиеваға мектепті 20 жыл бұрын бітірген шәкірттері үш бөлмелі пәтердің кілтін табыс етті.

Аса қымбат тосынсыйға қатты риза болған физика пәнінің мұғалімі қуаныштың көз жасын жасыра алмады.

Жалпы, мектеп бітіргенінің "дөңгелек" санды мерзімін атап өтетін түлектер ұстазына, білім ошағына немесе туған ауылына есте қаларлықтай сый жасауға тырысады.