Есіктен-есікке

Жаңа-Өңір деп атайды жас ауылды,

Ірге қосып біріккен жас қауымды,- деп басталатын ән болушы еді біздің бала күнімізде.Сонау 80-ші жылдардың басында ,,Қызыл-Ақырап" колхозының орталығы болып құрылып атағы жер жарған ауылда қазір саусақпен санарлықтай үй қалған.Шағын кітапхана мен медпункт жұмыс жасап тұр,бұдан басқа жұмыс көзі жоқ,тек жеке малын бағып отырған еңбекші жұрт.,,.Сексеннің сеңгіріне шыққан кейуана он алты құрсақ көтерген соның тоғызын жер қойнына берген,жетеуінен (үш ұл,төрт қыз) тараған ұрпақтарының қызығын көруде.Осы көргеніне шүкіршілік етіп отырған әжеміз сайлау күні жетекші партияға дауыс беретінін айтумен қатар ұсынысын да жеткізуімізді сұрады.Ауылдағы байланыстың нашарлығы,ауыз су мәселесі мен мектеп ғимаратының (бала саны жетпеуіне байланысты жабылып қалған) бұзылып кетпеуі мазалайды екен ауыл тұрғындарын.