Парламент Мәжілісінің депутаты Жамалов Аманжан Мәкәрімұлы Сырым ауданында іс сапарда болды.
Мәжіліс депутаты ең алдымен 2021 күрделі жөндеуден өткен, Алашорда көшесінде орналасқан ғимараттың жағдайымен танысты. Бүгінгі таңда ғимарат күрделі жөндеуден өткенімен, ішін музейге бейімдеп, безендіру үшін қаржы қажет болып тұр. Ғимарат ішіндегі бес музей залына қомақты қаражаттың қандай бағыттарға керек екендігін Сырым тарихи-өлкетану музейінің директоры, аудандық маслихат депутаты, фракция мүшесі А.Ойшыбаева бүге-шігесіне дейін түсіндіріп, мәжіліс депутатынан осы мәселені назарда ұстауын сұрады.