«Өрлеу» біліктілікті арттыру ұлттық орталығының филиалында болды
«AMANAT» саяси ұйымының партиялық тізімі бойынша ҚР Парламенті Мәжілісі депутаттығына Батыс Қазақстан облысынан ұсынылған кандидаттар Ербол Салықов, Снежанна Имашева және облыстық мәслихатқа кандидат Гүлмира Батпақұлова Оралдағы «Өрлеу» біліктілікті арттыру ұлттық орталығының филиалында болып, педагогтармен жүздесті. Мекемеде 50-ге жуық маман қызмет атқарады. Олар аймақтағы ұстаздардың кәсіби біліктілігін шыңдап, тәжірибе жинақтауына көмектеседі. Кездесуде үміткерлер партияның сайлауалды бағдарламасында білім беру саласына қолдау көрсету тетіктері қаралғанын айтты.