Тосумен болдым-ау жолыңды

Өлең авторы – Айгүл Сағымбайқызы

Тосумен болдым-ау жолыңды,

Баса алмай қинаған, сағымды.

Неліктен сынадың, бағымды?

Әттең-ай, өртедің жанымды.

Сен едің, мен үшін серігім,

Бар бақыт, тек саған тілегім.

Сүйемін, деп соғады жүрегім,

Әттең-ай, сен едің керегім.

Сенбеспін, енді мен басқаға,

Үреймен қараймын, жасқана.

Қалдың-ау сынап, тағыда,

Әттең-ай, басқа жағада.