Жаңабұлақ ауылындағы кездесу
Бүгін, 2020 жылдың 26 желтоқсан күні Қазақстан Республикасы Парламенті Мәжілісінің депутаттығына үміткерлер ,ҚР Республикалық сайлауалды штаб мүшелері Мәлік Құлшар, Жаңабек Жақсығалиев, Сабира Сүндетова Жаңабұлақ ауылының тұрғындарымен кездесті.
Кандидаттар "Nur Otan" партиясының сайлауалды бағдарламасын сайлаушыларға кеңінен түсіндірді. Мемлекет тарапынан осыған дейін барлық салаларға көңіл бөлініп келе жатқанын, алдағы уақытта да елдің тұрмыс -тіршілігін арттыру үшін барлық жағдай қарасатырылғанын айтты. Тұрғындар тарапынан сөз алған зейнеткер, аналар кеңесінің төрайымы Дариға Саменова халықты қажетті дәрігер мамандармен қамтамасыз ету, Жаңабұлақ ауылы халқына тоқсанына 1 рет облыстық қажетті мамандармен қамтамасыз ету, сондай- ақ зейнеткерлікке шығу жасын қысқарту,жас мамандардың тұрақтануы үшін жаңа үйлер салынса деген ұсынысын жеткізді.
Тарих пәнінің мұғалімі Сансызбай Молдашев жер, су мәселесі, Жайық өзенінің тартылуы сияқты экологиялық жағдайға байланысты ой толғамын жеткізді. Ауыл тұрғыны Асқар Қабанов газ трассасы құбырларын жаңарту мәселесін көтерді. Үміткерлерге ауыл тұрғындары алдағы саяси науқанда сәттілік тіледі. Кездесу кітапханадағы коворкинг орталығында жалғасын тапты. Кандидаттар жастармен, оқырмандармен пікірлесті